Charla sobre doazón de medula en Lalín

Este luns pola tarde teremos unha charla sobre doazón de medula ósea en Lalín , organizada polo Concello, en colaboración con Asotrame. A nosa traballadora social e un supervivente de cáncer hematolóxico falarán neste encontro de como, cun xesto solidario e anónimo, podemos contribuír a salvar a vida dun paciente oncohematolóxico que precisa un transplante, ademais de acabar con mitos que rodean ao proceso da doazón. A cita será no edificio sociocultural da rúa Manuel Rivero.