Charla na Escola de Traballo Social de Santiago

A traballadora social de Asotrame, Alba García, impartirá unha charla na Escola Universitaria de Traballo social de Santiago, centro no que se formou. Falará co alumnado sobre o labor de acompañamento a pacientes de cancro hematolóxico e ás súas familias que, como profesional, realiza a diario. E estará acompañada por un supervivente voluntario que falará da importancia da doazón de medula para salvar vidas.

Esta iniciativa enmárcase no programa Reflexos de vida, que conta co apoio da Deputación da Coruña.