Noticias
Asotrame ofrecerá en Vigo unha nova charla do proxecto “Coidar-me!”, destinado a fomentar entre a cidadanía a alimentación consciente e o autocoidado emocional. A iniciativa divulgativa, froito da colaboración don Saúdesport, chegará este venres no local da Asociación de veciños Cristo da Victoria, en Coia.
Laura Bueno, educadora social de Asociación galega de persoas con enfermidades oncohematolóxicas (Asotrame), e Raquel Lucio, nutricionista do citado centro de alto rendemento para a saúde, poñeranse á fronte da sesión informativa, aberta ao conxunto da veciñanza e totalmente gratuíta.
O encontro, programado para as 17:00 horas, persegue favorecer hábitos de alimentación saudables, mellorar a relación da xente que asista coa comida, e propiciar o seu autocoidado emocional como piares dun benestar integral.
Na charla da AVV Cristo da Victoria, falarase sobre os tipos de fame que existen, de como facer fronte á “fame emocional” e do modo en que alimentación pode axudar a regular a principal hormona do estrés. Ademais, no plano emocional, abordaranse estratexias prácticas para a xestión do estrés e da ansiedade.
“Coidar-me!”, a aposta de Asotrame por promover a saúde comunitaria e mellorar a calidade de vida da veciñanza, contou con nos últimos meses con sesións informativas nos centros municipais do Casco Vello, Raposeira, e Bouzas, así como no local da AVV San Miguel de Oia.
Noticias
El Hospital Universitario de A Coruña acoge hasta el martes 13 de octubre la exposición “La piel como testigo: entre la vida y su herida”. La muestra itinerante de Asotrame, realizada con la colaboración de Sanofi, busca dar a conocer qué es la enfermedad injerto contra receptor (la EICR). Y descubre cuál es su impacto en la vida de las personas trasplantadas de médula ósea de un donante que la padecen.
Con la presencia en el CHUAC, el proyecto divulgativo que, a través de los retratos en blanco y negro realizados por Xosé Durán, y del testimonio de una decena de pacientes y cuidadores ofrece al público una imagen global sobre cómo la EICR, completa su recorrido por las áreas sanitarias de Galicia.
La exposición se inauguraba el 21 de septiembre en el marco de una jornada sobre la EICR. Y pretende dar visibilidad a una patología “socialmente invisible”. Se trata de una complicación postrasplante, que puede afectar a distintos órganos, siendo la piel su expresión más visible. Con todo,también puede comprometer el aparato digestivo, el hígado, los pulmones o los ojos, condicionando el bienestar físico y emocional de las personas afectadas.
En el último año, la exposición recaló en los principales hospitales de Galicia y en ADOS. Además, visitó la sede de la Organización Nacional de Trasplantes (la ONT) y estuvo presente en el congreso europeo sobre trasplantes de médula, impulsado en Madrid por la European society for blood and marrow transplant Association.
Noticias
Asotrame consegue o apoio da Deputación de Pontevedra para o programa Como en casa. A entidade provincial colaborará este ano no sostemento da vivenda gratuíta de estancia temporal que a asociación pon en Vigo a disposición de pacientes de cancro desprazadas ou dos seus coidadores/as, co obxectivo de paliar o impacto económico que ten a enfermidade nas familias.
Dende o pasado mes de marzo, a Asociación galega de persoas con enfermidades oncohematolóxicas conta cun apartamento na zona de Samil para pacientes oncolóxicos chegados doutros puntos de Galicia para recibir tratamento ambulatorio no Hospital Álvaro Cunqueiro ou, no caso de que sexan ingresados, para os seus acompañantes.
Trátase dun servizo totalmente de balde polo que a asociación corre cos gastos do aluguer e mais tamén cos derivados dos servizos básicos (electricidade, auga, comunidade…) Ademais, compleméntase coa oferta ás persoas usuarias apoio psicolóxico e orientación en materia de recursos sociais por parte persoal técnico (psicóloga, traballadora e educadoras sociais), brindándolles así soporte emocional nun momento de especial vulnerabilidade.
Por tanto, o programa require esforzo económico importante que, grazas ao respaldo da Deputación de Pontevedra, será un pouco más sinxelo de asumir. Non en van, a institución vén de concederlle a Asotrame, no marco da súas subvencións de dirixidas a entidades sen fins de lucro para actuacións no ámbito social en 2026, unha axuda de 5.391 euros.
O apoio económico da Deputación permitirá manter aberto o piso, situado a só 10 minutos do CHUVI, facilitando ás consultas aos pacientes e o acompañamento por parte de familiares.
Noticias
Asotrame organiza o mércores, 30 de setembro, a partir das 19 horas, unha charla en liña sobre discapacidade. Na sesión, explicarase o que se entende por discapacidade e resolvendo as dúbidas que poidan manifestar as persoas que decidan sumarse. A asociación ten aberto o prazo para inscribirse.
Alba García, traballadora social da entidade, será a encargada de impartir esta charla, que partirá da diferenciación entre discapacidade, condición que mide como afectan as secuela e limitacións das patoloxías á vida en xeral, e incapacidade (só no eido laboral).
Abordaranse os diferentes tipos de discapacidade existentes, entre eles, a orgánica, que presentan moitos dos pacientes e expacientes de cancro hematolóxico. Falarase ademais como hai que solicitar o recoñecemento, das posibilidade de revisión e, como non, dos dereitos, beneficios e prestacións aos que se poderá acceder en función da porcentaxe recoñecida.
Inscricións abertas
Esta sesión completará o ciclo impulsado pola da Asociación galega de persoas con enfermidades oncohematolóxicas con apoio da Dirección xeral de persoas con discapacidade, pertencente á Consellería de Política social, está aberta ao conxunto da cidadanía.
Para participar, só haberá que enviar unha mensaxe de Whatsapp ao número da asociación: 698 130 684 indicando nome e apelidos e o seu interese por sumarse á iniciativa. O equipo técnico da entidade enviaralles a ligazón para conectarse por Teams na data e hora indicadas.
Noticias
Asotrame reforza o seu servizo de atención psicosocial na capital de Galicia. O programa con maior demanda por parte dos pacientes de cancro hematolóxico e as súas familias contará este ano coa colaboración económica da Concellería de Dereitos e Servizos Sociais do Concello de Santiago. Non en van, a área sanitaria concentra case o 27 % das consultas atendidas pola asociación no que vai de ano en toda Galicia.
A administración local apoia, grazas a unha subvención de 3.000 euros, o traballo realizado pola Asociación galega de persoas con enfermidades oncohematolóxicas (Asotrame) para mellorar a calidade de vida e a saúde emocional deste colectivo, en situación de especial vulnerabilidade social, mediante unha intervención interdisciplinaria.
Así, ao labor da traballadora social da entidade, clave na información e orientación ás familias en materia de recursos e axudas, e no acompañamento na realización de trámites, se engade o labor da psicóloga da asociación. O seu traballo é crucial durante todo o proceso da enfermidade, cheo de altibaixos dende o mesmo momento do diagnóstico. Así, trátase de xestionar o impacto da enfermidade, reducindo tanto no paciente como nas persoas achegadas os niveis de ansiedade, estrés, e depresión.
Donde estamos
O programa de atención psicosocial desenvólvese de forma presencial de luns a venres, en horario matinal, na Casa das asociación de Benestar Social; os xoves tamén no centro sociocultural Santa Marta, e os venres no espazo asociativo do Hospital Clínico de Santiago. Ademais, realízanse consultas telemáticas e telefónicas. No que vai de ano, Asotrame atendeu na Área sanitaria de Santiago un total de 227 consultas, a maioría de psicoloxía.
Finalmente, cómpre apuntar que o servizo de apoio psicosocial, apoiado polo Concello, compleméntase con iniciativas como Apoio entre iguais, programa de axuda mutua para compartir experiencias e estratexias de afrontamento entre pacientes e expacientes de cancro hematolóxico que a asociación desenvolve na área de hematoloxía do CHUS.
Noticias
Asotrame ofrece este venres, 25 de setembro, unha charla informativa sobre doazón de medula ósea no edificio multiusos de Rois. A iniciativa divulgativa contará co testemuño en primeira persoa dunha sobrevivente de cancro hematolóxico transplantada.
A sesión divulgativa, impulsada en colaboración co Concello, leva por título “Como salvar unha vida a custo cero” e comezará ás 18:00 horas. Alba García, traballadora social de Asotrame, será a encargada de falar sobre o proceso de doazón de medula ósea ou, máis propiamente, de células nai do sangue. Un xesto anónimo e solidario que, literalmente, pode salvar vidas.
Así, ao redor dun terzo dos pacientes de leucemia, linfomas, mieloma múltiple que precisa un transplante, ao non funcionar outras liñas de tratamento, conta con familiares compatibles. O resto dependerá do resultado da procura que active o Redmo entre as persoas doadoras voluntarias.
Tamén participará Flor Romero, que contará a súa experiencia como paciente de mieloma múltiple transplantada e, xunto a García resolverá posibles dúbidas sobre o procedemento de doazón, semellante no 81 % dos casos a unha doazón por aférese de plaquetas e, por tanto, seguro e indoloro.
Aberta ao conxunto da cidadanía, a charla conta co apoio da Deputación da Coruña e permitirá finalmente coñecer un pouco máis do labor que realiza a Asociación galega de persoas con enfermidades oncohematológicas- Asotrame Galicia desde hai trece anos.
Comentarios recientes